Kim qurdu, nə işləyir.

Mən Avtezanı ona görə qurdum ki, Azərbaycanca yazan müştəriyə ingiliscə cavab verən bir sistem satmaq istəmirdim.

On bir ildir kod yazıram. Bu müddətdə gördüyüm ən adi mənzərə budur: kicik bir kafe, gecə saat on ikidə gələn mesaj, və səhər açılanda cavabsız qalmış bir müştəri. Böyük şirkətlərin bunun üçün komandası var. Kiçik biznesin yoxdur.

Bir də bunu deyim, çünki Avtezanın nə olmadığını izah edir. Bir restoran şəbəkəsinə yazırsan, saatlarla gözləyirsən, sonra hər dəfə eyni şablon cavab gəlir. Ya da bot cavab verir və ikinci sualdan sonra ilişib qalır — danışdığını yox, forma doldurduğunu hiss edirsən. Mən bundan bezmişəm. Avteza müştərinin nə soruşduğunu başa düşmək üçün var, hazır cümləni yapışdırmaq üçün yox.

Bazarda olan həllər ya dili başa düşmür, ya da qiyməti bir kafenin ödəyə biləcəyindən yuxarıdır. Avteza bu iki şeyi düzəltmək üçün var.

Bir şeyi açıq deyim. Hazırda müştərimiz yoxdur və bunu gizlətmirəm. Bu saytda nəyin işlədiyi yazılıb, nəyin hələ işləmədiyi də yazılıb. İşləməyən bir şeyi sizə satmayacağam — çünki ilk quraşdırmanı özüm edirəm və o söhbətdə yanınızda mən oturacam.

Mustafa BabayevAvteza MMC